សម្តេចធិបតី កោតសរសើររដ្ឋបាលរជធានីភ្នំពេញ ដែលត្រៀមរួចរាល់រថយន្តក្រុងសម្រាប់ដឹកជញ្ជូនប្រជាពលរដ្ឋទៅស្រុកកំណើត ក្នុងឱកាសបុណ្យចូលឆ្នាំថ្មី

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា កោតសរសើរដល់រដ្ឋបាលរជធានីភ្នំពេញ ដែលបានត្រៀមរួចរាល់ រៀបចំរថយន្តក្រុងចំនួន ៥៩៧គ្រឿង សម្រាប់ដឹកជញ្ជូនប្រជាពលរដ្ឋឥតគិតថ្លៃ ទៅលេងស្រុកកំណើត ក្នុងឱកាសពិធីបុណ្យចូលឆ្នាំថ្មី។

សម្ដេចធិបតីបានលើកឡើងបែបនេក្នុងឳកាសអញ្ជើញសម្ពោធដាក់ឱ្យប្រើប្រាស់ស្ពានអាកាស «មរតកតេជោ» នៅព្រឹកថ្ងៃទី៧ ខែមេសា ឆ្នាំ២០២៥នេះ។

សម្ដេចធិបតី បន្ថែមថា ការរៀបចំរថយន្តក្រុងដឹកជញ្ជូនប្រជាពលរដ្ឋឥតគិតថ្លៃ ទៅលេងស្រុកកំណើត ក្នុងឱកាសពិធីបុណ្យចូលឆ្នាំថ្មីប្រពៃណីជាតិ នាពេលខាងមុខ ខណៈតាមការប៉ាន់ប្រមាណពលរដ្ឋ អាចចំណេញថវិកាជាង ១,៤លានដុល្លារ សម្រាប់ការធ្វើបុណ្យទាន តាមរយៈការជិះរថយន្តក្រុងឥតគិតថ្លៃនេះ៕