សម្ដេចធិបតី៖ ក្រុមអ្នកនយោបាយប្រឆាំងក្រៅប្រទេស តែងកេងចំណេញពីបញ្ហារបស់ជាតិ និងប្រជាពលរដ្ឋ

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា ក្រុមប្រឆាំងរបស់ខ្មែរដែលរស់នៅក្រៅប្រទេស ចម្លែកពីអ្នកប្រឆាំងនៅប្រទេសដទៃអ្នកប្រឆាំងនៅប្រទេសដទៃ គេតែងរួមគ្នាដោះស្រាយបញ្ហារបស់ជាតិពេលមានបញ្ហា ចម្លែកអ្នកប្រឆាំងរបស់ខ្មែររស់នៅក្រៅប្រទេស វាយប្រហាររាជរដ្ឋាភិបាលជានិច្ច រាល់ពេលមានបញ្ហាហើយ ក្រុមអ្នកនយោបាយប្រឆាំងក្រៅប្រទេស តែងកេងចំណេញពីបញ្ហារបស់ជាតិ និងប្រជាពលរដ្ឋ។

ក្នុងឳកាសអញ្ជើញសម្ពោធដាក់ឱ្យប្រើប្រាស់ស្ពានអាកាស «មរតកតេជោ» នៅព្រឹកថ្ងៃទី៧ ខែមេសា ឆ្នាំ២០២៥ សម្ដេចធិបតី បានថ្លែងថា តាមរយៈការប្រតិកម្ម​ទៅ​នឹងការដំឡើងពន្ធលើទំនិញរបស់កម្ពុជា ពីសំណាក់សហរដ្ឋអាមេរិក អាចបង្ហាញច្បាស់នូវចេតនាដោះស្រាយការបញ្ហារវាងរាជរដ្ឋាភិបាល និងក្រុមប្រឆាំងនៅក្រៅប្រទេសដឹកនាំដោយលោក សម រង្ស៊ី ពោលក្រុម​លោក សម រង្ស៊ី ចេះតែលើកបញ្ហាបន្ទោសបង្អាប់ ប៉ុន្តែមិនជួយដោះស្រាយ។

សម្តេចធិបតី បន្តថា មិនបាច់ប្រើវិធីសាស្ត្រ​ជេរតបទៅក្រុមប្រឆាំងនោះទេ នាំឱ្យបង្ហាញពីឱនភាពសីលធម៌ក្នុងសង្គមកម្ពុជា៕