ឯកឧត្តម ម៉ម ប៊ុនហេង ណែនាំពង្រឹងការផ្តល់សេវាសុខាភិបាលឯកកជនប្រកបដោយគុណភាព ប្រសិទ្ធភាព និងសុវតិ្ថភាពជូនប្រជាពលរដ្ឋ
ភ្នំពេញ៖ ឯកឧត្តម ម៉ម ប៊ុនហេង ណែនាំពង្រឹងការផ្តល់សេវាសុខាភិបាលឯកកជនប្រកបដោយគុណភាព ប្រសិទ្ធភាព និងសុវតិ្ថភាពជូនប្រជាពលរដ្ឋ ដើម្បីជួយសង្រ្គោះអាយុជីវិតប្រជាពលរដ្ឋ គ្រប់ពេលវេលា និងគ្រប់ទីកន្លែង។
ថ្លែងក្នុង សន្និបាត បូក សរុបលទ្ធផលការងារឆ្នាំ២០២១ និងលើកទិសដៅការងារបន្តឆ្នាំ២០២២ របស់ សមាគម អ្នក ផ្តល់ សេវាសុខាភិបាលឯកជន នៅកម្ពុជា ហៅកាត់«ស.ស.ឯ.ក» នាព្រឹកថ្ងៃទី២ ខែកក្កដា ឆ្នាំ ២០២២ នេះ ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល មានប្រសាសន៍ថា ការផ្តល់សេវាប្រកបដោយគុណភាព ប្រសិទ្ធភាព និងសុវតិ្ថភាពហើយនោះ ក៏ត្រូវខិតខំបន្ថែមទៀត ក្នុងការផ្សព្វផ្សាយ និងអនុវត្តគោលនយោបាយ សារាចរណែនាំនានារបស់ក្រសួងសុខាភិបាល សំដៅធ្វើយ៉ាងណាពង្រឹងគុណតម្លៃ ក្រម សីល ធម៌ វិជ្ជាជីវៈ រក្សាឲ្យបាននូវកិតិ្តនាមជាកងទ័ពអាវស ដែលមាន ចិត្តស្មោះ សរ ជួយ សង្រ្គោះ អាយុជីវិត ប្រជាពលរដ្ឋ គ្រប់ពេលវេលា និងគ្រប់ទីកន្លែង។ ត្រូវចែករំលែកចំណេះដឹងទៅវិញទៅមក ដោយ មាន ការ បណ្តុះបណ្តាលបន្តផ្នែកបច្ចេកទេសថ្មីៗបន្ថែមទៀត សំដៅ បង្កើន ចំណេះ ដឹង គ្រូពេទ្យ ប្រកប ដោយសមត្ថភាពខ្ពស់ និងត្រូវចូលរួមក្នុងគណៈវិជ្ជាជីវៈ ដែលជា កាតព្វកិច្ច មិន អាច ខ្វះ បាន ។
ឯកឧត្តម សាស្រ្តាចារ្យ ម៉ម ប៊ុនហេង បានសង្កត់ធ្ងន់ថា រាជរដ្ឋាភិបាល ក្រោម ការ ដឹកនាំ ដ៏ ឈ្លាស វៃ និងប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន តែងតែលើកកម្ពស់គុណភាពការផ្តល់សេវាសុខាភិបាលទាំងសាធារណៈ និង ឯកជន ដែលជាដៃគូជួយបំពេញបន្ថែមក្នុងការផ្តល់សេវាពិនិត្យ ព្យាបាល ជំងឺ ជូន ប្រជាពលរដ្ឋ កម្ពុជា ឲ្យកាន់តែប្រសើរឡើងប្រកបដោយគុណភាព ប្រសិទ្ធភាព និងប្រសិទ្ធផល។
ឯកឧត្តម ង៉ូវ កាង រដ្ឋលេខាធិការក្រសួងសុខាភិបាល និង ជា ប្រធាន សមាគម អ្នក ផ្តល់ សេវាសុខាភិបាលឯកជននៅកម្ពុជា បានប្តេជ្ញាចិត្តបន្ត អនុវត្តការងារក្នុងវិជ្ជាជីវៈសុខាភិបាល ប្រកប ដោយកាយវិការមនុស្សធម៌ និងការទទួលខុសត្រូវខ្ពស់ ដើម្បីបម្រើប្រជាពលរដ្ឋកម្ពុជា៕
