កីឡាករ Paul Pogba បានចាកចេញពី Manchester United បន្ទាប់ពីផុតកិច្ចសន្យា
បាល់ទាត់៖ ខ្សែបម្រើបារាំង Paul Pogba បានឈានដល់កិច្ចព្រមព្រៀងហើយក្នុងការវិលត្រលប់ទៅកាន់សេះបង្កង់ Juventus វិញក្រោយកិច្ចសន្យារបស់គេអស់សុពលភាពជាមួយ Manchester United ។ កីឡាករវ័យ ២៩ឆ្នាំរូបនេះនឹងធ្វើការពិនិត្យសុខភាពនៅទីក្រុង Turin ប្រទេស អ៊ីតាលី ក្នុងសប្តាហ៍នេះមុននឹងចុះកិច្ចសន្យារយៈពេល ៣ ទៅ ៤ឆ្នាំនេះបើតាមការចុះផ្សាយរបស់ទូរទស្សន៍ SkySport ។
រំលឹកថា Paul Pogba បានចូលរួមជាមួយ Manchester United ដំបូងនៅឆ្នាំ ២០០៩ ផ្ទេរពីក្លិបបារាំង Le Havre ក្នុងវ័យត្រឹម ១៦ ឆ្នាំ ។ តែនៅឆ្នាំ ២០១២ Pogba បានចាកចេញនៅពេលកិច្ចសន្យាសន្យាអស់សុពលភាពនៅ ខែកក្កដា ឆ្នាំ ២០១២ ក្រោយបង្ហាញខ្លួនឱ្យ Manchester United ត្រឹម ៧ប្រកួតប៉ុណ្ណោះ ។ ទៅដល់ Juventus, Paul Pogba បានឈ្នះពានសំខាន់ចំនួន ៨ នៅ ទីក្រុង Turin បូករួមទាំងពាន Serie A បួនរដូវកាលជាប់គ្នា ។
ត្រលប់មកកាន់ Manchester United, Paul Pogba បានឈ្នះពាន EFL Cup និង UEFA Europa League ក្នុងរដូវកាលដំបូងនៃការវិលត្រលប់របស់ខ្លួន ។ សរុបមក Paul Pogba បង្ហាញខ្លួនសរុប ២៣៣ ប្រកួតស៊ុត បញ្ចូលទីបាន ៣៩ គ្រាប់ជាមួយក្រុមបិសាចក្រហម Manchester United និងបង្ហាញខ្លួនចុងក្រោយនៅពេលជួប Norwich City កាលពី ខែមេសា និងត្រូវបានអ្នកគាំទ្រខ្លួនឯងហ៊ោប្រមាថ ៕
