មេទ័ពជើងគោក និងលោកជំទាវ ឧបត្ថម្ភកុំព្យុទ័រ និងម៉ាស៊ីនព្រីនធ័រ វិទ្យុទាក់ទង និងគ្រឿងឧបភោគ បរិភោគជូនក្រុមការងារទំនាក់ទំនងច្រកកម្ពុជា-ថៃ ទិសយោធភូមិភាគទី៤

ភ្នំពេញ៖ ចាប់ពីថ្ងៃទី៨ រហូតដល់ថ្ងៃទី១០ ខែកក្កដា ឆ្នាំ២០២២ ទទួលបានការអនុញ្ញាតក្នុងនាមតំណាងដ៏ខ្ពង់ខ្ពស់របស់ឯកឧត្តម ឧត្តមសេនីយ៏ឯក ហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក ឧត្តមសេនីយ៍ទោ ទៀន សោភ័ណវង្ស នាយសេនាធិការរង នាយការិយាល័យព្រំដែនគោក កងទ័ពជើងគោក បានដឹកនាំប្រតិភូចុះបំពេញការងារ និងពាំនាំនូវការសាកសួរសុខទុក្ខព្រមទាំងនាំយកនូវអំណោយរបស់ឯកឧត្តមមេបញ្ជាការ និងលោកជំទាវជូនដល់បណ្តាក្រុមទំនាក់ទំនងច្រកព្រំដែន កម្ពុជា ថៃ ទាំង១០ ចំណុះភូមិសាស្ត្រយោធភូមិភាគទី៤ កងទ័ពជើងគោក ដែលក្នុងមួយស្ថាប័នទទួលបាន កុំព្យូទ័រយួរដៃ ម៉ាស៊ីនព្រីនគូល័រមួយគ្រឿង អាយកូមចំនួន ០៥គ្រឿង ព្រមទាំងគ្រឿងឧបភោគបរិភោគមួយចំនួនផងដែរ។

ក្នុងនាមការិយាល័យព្រំដែនគោក កងទ័ពជើងគោក , កងកម្លាំង ក្រុមការងារទំនាក់ទំនងច្រកកម្ពុជា-ថៃ ឧត្តមសេនីយ៍ទោ ទៀន សោភ័ណឌវង្ស សូមគោរពថ្លែងអំណរគុណយ៉ាងជ្រាលជ្រៅបំផុត ជូនចំពោះ ឯកឧត្តម ហ៊ុន ម៉ាណែត និងលោកជំទាវ ដែលតែងតែយកចិត្តទុកដាក់គិតគូរដល់សុខទុក្ខ ការរស់នៅ និងការបំពេញភារកិច្ចចំពោះមុខរបស់ក្រុមការងារទំនាក់ទំនងច្រកកម្ពុជា-ថៃ បានងាយស្រួល លឿន រហ័ស ឆ្លើយតបទៅនឹងការប្រគល់ជូនរបស់ថ្នាក់លើ ៕