ឯកឧត្តម ផុស សុវណ្ណ៖ អ្នកសារព័ត៌មានត្រូវមានបណ្ណ័កាតសារព័ត៌មាន ទើបអាចចូលយកព័ត៌មាន ក្នុងកិច្ចប្រជុំរដ្ឋមន្រ្តីការបរទេសអាស៊ានលើកទី៥៥

ភ្នំពេញ៖ ឯកឧត្តម ផុស សុវណ្ណ ប្រតិភូរដ្ឋាភិបាលកម្ពុជា ទទួលបន្ទុកអគ្គនាយកនៃអគ្គនាយកដ្ឋាន ព័ត៌មាននិងសោតទស្សន៍បានមានប្រសាសន៍ថា អ្នកសារព័ត៌មានត្រូវមានបណ្ណ័កាតសារព័ត៌មាន ទើបអាចចូលយកព័ត៌មាន ក្នុងកិច្ចប្រជុំរដ្ឋមន្រ្តីការបរទេសអាស៊ានលើកទី៥៥បាន។

ក្នុងកិច្ចសម្ភាសន៍ជាមួយអ្នកសារព័ត៌មាន ទាក់ទងនឹងការចូលរួម យកព័ត៌មានរបស់អ្នកសារព័ត៌មាន ទាំងជាតិនិងអន្តរជាតិ ដែលគ្រោងនិងយកព័ត៌មានអំពីកិច្ចប្រជុំ រដ្ឋមន្រ្តីការបរទេសអាស៊ានលើកទី៥៥ ឯកឧត្តម ផុស សុវណ្ណ បានបញ្ជាក់ថា “យើងក៏បានរៀបចំរួចអស់ហើយសម្រាប់អ្នកសារព័ត៌មាន តម្រូវឲ្យ មានបណ្ណ័កាតអ្នកសារព័ត៌មាន។ប៉ុន្តែជាក់ស្ដែងក្រៅពីកន្លែងនេះយើងឃើញថាកិច្ចប្រជុំអាស៊ានគេមាននីតិវិធីនិងគោលការណ៍ណែនាំរបស់គេមួយថា កិច្ចប្រជុំនេះកន្លែងណាយើងយកព័ត៌មានបានកម្រិត ណាហើយកន្លែងណាយើង យកព័ត៌មានបានកម្រិតណា ជាក់ស្ដែងដូចជាបើកកម្មវិធីចូលរួមដោយ សម្ដេចនាយករដ្ឋមន្រ្តី អញ្ចឹងយើងអាច បើកចំហរបានសម្រាប់ប្រពន្ធ័ផ្សព្វផ្សាយទាំងអស់ដើម្បីចូ ល រួមយកព័ត៌មាន”។

ឯកឧត្តម បន្តថា ប៉ន្តែដោយឡែកសម្រាប់កិច្ចប្រជុំអាស៊ានមួយទៀតជាកិច្ចប្រជុំចង្អៀតឬជាកិច្ចប្រជុំ ពេញអង្គដែលមានការពិភាក្សាគ្នានោះប្រហែលជាមានគេបើកឲ្យអ្នកសារព័ត៌មានតែកម្រិតកំណត់ណាមួយទេអាចត្រឹមកម្រិតដែលជាថ្នាក់ដឹកនាំជាប្រធាននៃកិច្ចប្រជុំឬមានថ្លែងសន្ទរកថាចប់ត្រូវបានអនុញ្ញាតឲចាក់ចេញពីបន្ទប់ប្រជុំ។

ឯកឧត្តមក៏បានមានប្រសាសន៏បន្ថែមទៀតថា នេះជាទម្លាប់នៃកិច្ចប្រជុំអាស៊ាន។ ក្រៅពីគិតគូរពីរ បៀបនេះ ហើយយើងក៏បានរៀបចំជាមជ្ឍមណ្ឌលព័ត៌មានសម្រាប់ អ្នកសារព័ត៌មាន។ ទោះបីយើង មិនបាន ចូលទៅក្នុងបន្ទប់ប្រជុំផ្ទាល់ក៏ប៉ុន្តែមានព័ត៌មានគ្រប់គ្រាន់ អាចធ្វើឲ្យគាត់ធ្វើជាព័ត៌មាន បាននៅក្នុងមជ្ឍមណ្ឌលព័ត៌មានតែម្ដង៕