ចិន សម្រេច ដាក់ ទណ្ឌកម្ម លើ ប្រធាន សភា អាមេរិក លោកស្រី Nancy Pelosi

ប៉េកាំង៖ ការឆ្លើយតបទៅនឹងការញុះញង់ដ៏ធ្ងន់ធ្ងររបស់លោកស្រី Nancy Pelosi ប្រធានសភាតំណាង រាស្រ្តអាមេរិក ប្រទេសចិនសម្រេចអនុម័តដាក់ទណ្ឌកម្មលើលោកស្រី Pelosi និងសមាជិកគ្រួសារភ្លាមៗ របស់លោកស្រី ស្របតាមច្បាប់ពាក់ព័ន្ធនៃសាធារណៈរដ្ឋប្រជាមានិតចិន។ នេះ បើ តាម អ្នក នាំ ពាក្យ ក្រសួង ការ បរទេស បាន ប្រកាស កាល ពី ថ្ងៃ សុក្រ។

ដោយ មិន យក ចិត្ត ទុក ដាក់ ចំពោះ ការ ព្រួយ បារម្ភ យ៉ាង ខ្លាំង របស់ ប្រទេស ចិន និង ការ ប្រឆាំង យ៉ាង ម៉ឺងម៉ាត់ នោះ លោកស្រី Nancy Pelosi បាន ទទូច ចង់ ធ្វើ ទស្សនកិច្ច ទៅ កាន់ កោះ តៃវ៉ាន់។

នេះ ជា ការ ជ្រៀតជ្រែក ចូល ក្នុង កិច្ចការ ផ្ទៃក្នុង របស់ ចិន។ អ្នកនាំពាក្យរូបនេះ បានបន្ថែមថា វាធ្វើឱ្យខូចអធិបតេយ្យភាព និងបូរណភាពទឹកដីរបស់ចិនយ៉ាងធ្ងន់ធ្ងរ ជាន់ឈ្លីគោលការណ៍ចិនតែមួយ និងគំរាមកំហែងយ៉ាងធ្ងន់ធ្ងរដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់។