នាវាដឹកគ្រាប់ធញ្ញជាតិទី១ ចាកចេញពីអ៊ុយក្រែន

កៀវ៖ រដ្ឋមន្ត្រីក្រសួងហេដ្ឋារចនាសម្ព័ន្ធរបស់ប្រទេសអ៊ុយក្រែន លោក Oleksandr Kubrakov បានអោយដឹងថានាវាទីមួយនៃនាវាដឹកគ្រាប់ធញ្ញជាតិបានចាកចេញពីកំពង់ផែសមុទ្រខ្មៅរបស់អ៊ុយក្រែន
កាលពីថ្ងៃសុក្រ ក្រោមកិច្ចព្រមព្រៀងដ៏សំខាន់មួយ ដើម្បីការពារវិបត្តិស្បៀងអាហារពិភពលោក។

លោក Kubrakov បានអោយដឹងថា “ក្រុមហ៊ុនដឹកជញ្ជូនធំៗចំនួនបីគឺ NAVI STAR, ROJEN និង POLARNET ដឹកពោតអ៊ុយក្រែនចំនួន ៥៧,000 តោន ទៅកាន់ទីក្រុង Türkiye ចក្រភពអង់គ្លេស និងអៀរឡង់” ។

លោកKubrakov បានមានប្រសាសន៍ថាកំពង់ផែអ៊ុយក្រែនចំនួនបីគឺ Odesa, Chornomorsk និង Pivdenny អាចនាំចេញគ្រាប់ធញ្ញជាតិប្រហែល ៣ លានតោនក្នុងមួយខែដោយ បន្ថែមថាអ៊ុយ ក្រែន ក៏អាចនាំចូលទំនិញកសិកម្មតាមរយៈសមុទ្រខ្មៅផងដែរ។

លោក Kubrakov បានបន្តទៀតថា យោងតាមផែនការរបស់រដ្ឋាភិបាល កំពង់ផែទាំងបីក្នុងពេលឆាប់ៗ នេះអាចនឹងគ្រប់គ្រងនាវាជាង ១00 គ្រឿងក្នុងមួយខែ។

នៅថ្ងៃទី ២២ ខែកក្កដាអ៊ុយក្រែននិងរុស្ស៊ីបានចុះហត្ថលេខា ដោយឡែកពីគ្នាជាមួយTürkiye និងអង្គការ សហប្រជាជាតិនៅទីក្រុងអ៊ីស្តង់ប៊ុលដើម្បីបន្តការដឹកជញ្ជូនអាហារនិងជីពីកំពង់ផែអ៊ុយក្រែនទៅកាន់ទីផ្សារអន្តរជាតិតាមរយៈសមុទ្រខ្មៅ។

នៅថ្ងៃទី១ខែសីហា កប៉ាល់ដឹកទំនិញដំបូងដែលដឹកគ្រាប់ធញ្ញជាតិបានចាកចេញពីកំពង់ផែ Odesa របស់អ៊ុយក្រែនទៅកាន់កំពង់ផែ Tripoli ក្នុងប្រទេសលីបង់។