អនុប្រធានក្រុមប្រឹក្សាសន្តិសុខរុស្ស៊ី ធ្វើ ទស្សនកិច្ច នៅ ទីក្រុង Donbass ដើម្បីធានាសន្តិសុខ ក្នុងតំបន់

មូស្គូ៖ អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev បានទៅបំពេញ ទស្សនកិច្ចនៅទីក្រុង Donbass កាលពីថ្ងៃព្រហស្បតិ៍ ដើម្បីរិះរកវិធានការនានា ដើម្បីធានាសន្តិសុខ ក្នុងតំបន់ និងធ្វើឱ្យជីវិតរស់នៅជាធម្មតានៅទីនោះ។

លោក Medvedev បានអោយដឹង ថា លោកបានជួបជាមួយប្រមុខ Donbass ហើយក្នុងនាមប្រធានាធិបតី រុស្ស៊ី លោក Vladimir Putin បានដឹកនាំកិច្ចប្រជុំមួយស្តីពីវិធានការអាទិភាព ដើម្បីធានាសន្តិសុខ Donbass ។

នៅក្នុងកិច្ចប្រជុំនេះ មេដឹកនាំនៃនាយកដ្ឋានអនុវត្តច្បាប់សំខាន់ៗរបស់រុស្ស៊ី អនុប្រធានទីមួយនៃរដ្ឋបាល ប្រធានាធិបតី និងរដ្ឋមន្ត្រីសំណង់ក៏បានពិចារណាលើបញ្ហានៃការលើកកម្ពស់ការអភិវឌ្ឍសេដ្ឋកិច្ច និងសង្គមរបស់ Donbass ផងដែរ។

លោក Medvedev បានលើកឡើងថា អ្នកចូលរួមបានយកចិត្តទុកដាក់ជាពិសេស ចំពោះ ការចុះសម្រុងគ្នានៃច្បាប់ Donbass ជាមួយនឹងច្បាប់របស់រុស្ស៊ី ការស្ដារហេដ្ឋារចនាសម្ព័ន្ធ ការជួសជុលមន្ទីរពេទ្យ ការរៀបចំសម្រាប់ឆ្នាំសិក្សាថ្មី ដំណោះស្រាយចំពោះបញ្ហាសង្គម និងការគាំទ្ររបស់អ្នករស់នៅ។