មេបញ្ជាការរង បញ្ជាការដ្ឋានរថក្រោះ អប់រំចិត្តសាស្រ្ត និងផ្សព្វផ្សាយ ព្រឹត្តិការណ៍ព័ត៌មានថ្មីៗ ជុំវិញពិភពលោក តំបន់ ក្នុងប្រទេស ដល់នាយទាហាន នាយទាហានរង និងពលទាហាន
ភ្នំពេញ៖ លោកឧត្តមសេនីយ៍ត្រី ហុឹម សារ៉ុម មេបញ្ជាការរង បញ្ជាការដ្ឋានរថក្រោះ ទទួលបន្ទុកផ្នែកអប់រំចិត្តសាស្ត្រ ព្រឹកថ្ងៃទី១៥ ខែសីហា ឆ្នាំ២០២២ អញ្ជើញចុះអប់រំចិត្តសាស្រ្ត និងផ្សព្វផ្សាយ ព្រឹត្តិការណ៍ព័ត៌មានថ្មីៗ ជុំវិញពិភពលោក តំបន់ ក្នុងប្រទេស និងការឆ្លងរីករាលដាលជាថ្មីនៃជំងឺកូវីដ-១៩ ដល់នាយទាហាន នាយទាហានរង និងពលទាហាន ។
ឧត្តមសេនីយ៍ត្រី ហុឹម សារ៉ុម មេបញ្ជាការរង បញ្ជាការដ្ឋានរថក្រោះ បានដាស់តឿនស្មារតីដល់យោធិនគ្រប់រូបឲ្យបន្តគោរពគោលការណ៍របស់រាជរដ្ឋាភិបាល ដើម្បីកាត់ផ្ដាច់ ជំងឺកូវីដ-១៩ អោយសាបសូន្យអស់ពីប្រទេស កុំឲ្យរស់នៅដោយភាពភ័យខ្លាចបន្តទៅទៀត។ ឯកឧត្តម បានបន្តនៅប្រសាសន៍ដឹកនាំល្អៗ ដែលជាគំរូដល់យោធិនជំនាន់ក្រោយក្នុងការដឹកនាំ ដោយមានភាពជាអ្នកដឹកនាំច្បាស់លាស់ និងជាមេបញ្ជាការមួយរូប ដែលមានគេគោរពស្រឡាញ់ក្នុងនាមជាអ្នកដឹកនាំរបស់គេ។
លោកមេបញ្ជាការរង បានបន្ថែមពីលើទៀតថាដោយមានការខិតខំពីសំណាក់សម្ដេចអគ្គមហាសេនាបតី តេជោហ៊ុន សែន ប្រមុខរាជរដ្ឋាភិបាលនៃព្រះតាជាណាចក្រកម្ពុជា ដែលលោកបានស្វះស្វែងរកវ៉ាក់សាំងមកពីគ្រប់ទិសទីដើម្បីចាក់ជូនកងកម្លាំងប្រដាប់អាវុធគ្រប់ស្ថាប័ន និងប្រជាពលរដ្ឋទូទាំងប្រទេសកម្ពុជា ដើម្បីប្រយុទ្ធប្រឆាំងជាមួយជំងឺកូវីដ-១៩ ។ ដូច្នេះហើយសូមយើងចូលរួមប្រយុទ្ធប្រឆាំងជាមួយថ្នាក់ដឹកនាំរបស់ទាំងអស់គ្នា។
អ្វីៗចាប់ផ្ដើមពីយើងទាំងអស់គ្នាដើម្បីកាត់ផ្ដាច់ជំងឺកាចសាហាវនេះចេញពីប្រទេសរបស់យើងឲ្យបាន និងសូមជូនពរជួបនៅសំណាងល្អ ជៀសឆ្ងាយពីជំងឺ ឈឺថ្កាត់នានា៕
