កីឡាការរីនី Zhang Shuai របស់ ចិន ឡើង ទៅ វគ្គ ១៦ ក្រុម ចុងក្រោយ នៅ Western & Southern Open

ក្រុងប៉េកាំង៖ កីឡាការិនី Zhang Shuai របស់ ប្រទេស ចិន បាន ឈាន ទៅ ប្រកួត ជុំ ទី ពីរ នៃ កម្មវិធី Western & Southern Open បន្ទាប់ ពី បាន យក ឈ្នះ កីឡាការិនី Ekaterina Alexandrova ក្នុង លទ្ធផល ៦-៣ និង ៦-៤ នៅ ទីក្រុង Cincinnati កាល ពី ថ្ងៃ ពុធ។

នេះជាលើកទីមួយហើយដែល Zhang អាយុ ៣៣ឆ្នាំបានឡើងដល់វគ្គ 16 នាក់ចុងក្រោយនៅ Cincinnati ដោយ ចំណាត់ថ្នាក់ បន្តផ្ទាល់របស់នាងបានកើនឡើងដល់លេខ ៣៩ ។

Zhang ដែល ត្រូវ Alexandrova ជម្រុះ ចេញ ក្នុង កម្មវិធី Stuttgart Open កាល ពី ខែ មេសា បាន និយាយ ថា៖ «ខ្ញុំ សប្បាយ ចិត្ត ក្នុង ការ ឈ្នះ ការ ប្រកួត ថ្ងៃ នេះ ព្រោះ គូ ប្រកួត របស់ ខ្ញុំ ខ្លាំង ហើយ វា ស្វិត ស្វាញ រាល់ ពេល ដែល ខ្ញុំ ប្រកួត ជាមួយ នាង កាល ពី មុន»។

នាង បាន បន្ថែម ថា៖ «ខ្ញុំ ពេញ ចិត្ត នឹង ការ សម្តែង របស់ ខ្ញុំ នៅ ថ្ងៃ នេះ ព្រោះ ខ្ញុំ បាន ឃើញ ខ្លួន ឯង មាន ភាព ប្រសើរ ឡើង ក្នុង ផ្នែក ជា ច្រើន»។

បន្ទាប់ មក Zhang នឹង ត្រូវ ជួប ជា មួយ នឹង កីឡា ការិនី លេខ ២ Anett Kontaveit របស់ អេស្តូនី ដែល បាន យក ឈ្នះ Tereza Martincova របស់ សាធារណរដ្ឋ ឆេក ក្នុង លទ្ធផល ៣-៦, ៧-៥, ៦-៤។