ADB កោតសសើរចំពោះការដឹកនាំរបស់រាជរដ្ឋាភិបាលកម្ពុជា លើការអភិវឌ្ឍថាមពលបៃតង និងថាមពលកកើតឡើងវិញ
លោកស្រី Jyotsana Varma ប្រធានធនាគារអភិវឌ្ឍន៍អាស៊ី (ADB) ប្រចាំកម្ពុជា បានធ្វើការកោតសសើរចំពោះការដឹកនាំរបស់រាជរដ្ឋាភិបាលកម្ពុជា លើការអភិវឌ្ឍថាមពលបៃតង និងថាមពលកកើតឡើងវិញ។
លោកស្រីបានលើកឡើងបែបនេះ ក្នុងជំនួបសម្តែងការគួរសម និងពិភាក្សាការងារជាមួយឯកឧត្ដម ស៊ុយ សែម រដ្ឋមន្ត្រីក្រសួងរ៉ែនិងថាមពល នៅថ្ងៃទី២៣ ខែសីហា ឆ្នាំ២០២២នេះ។
ថ្លែងក្នុងជំនួបនេះលោកស្រី Jyotsana Varma បានស្វែងយល់អំពីបច្ចុប្បន្នភាពនៃការអភិវឌ្ឍវិស័យថាមពលនៅកម្ពុជា និងបានផ្លាស់ប្ដូរយោបល់ពាក់ព័ន្ធនឹងវឌ្ឍនភាពនៃកិច្ចសហប្រតិបត្តិការក្នុងវិស័យថាមពល។
លោកស្រី Jyotsana Varma ក៏បានសម្តែងនូវការកោតសសើរចំពោះការដឹកនាំរបស់រាជរដ្ឋាភិបាលកម្ពុជា លើការអភិវឌ្ឍថាមពលបៃតង និងថាមពលកកើតឡើងវិញ ដែលមានប្រភពពីវារីអគ្គិសនី និងថាមពលដើរដោយពន្លឺព្រះអាទិត្យ ក្នុងគោលបំណងឈានទៅកាត់បន្ថយការបញ្ចេញនូវឧស្ម័នផ្ទះកញ្ចក់។
ជាការឆ្លើយតប ឯកឧត្ដម ស៊ុយ សែម រដ្ឋមន្ត្រីក្រសួងរ៉ែបាន បានលើកឡើងថា ក្រសួងក៏និងកំពុងសហការជាមួយធនាគារអភិវឌ្ឍន៍អាស៊ី (ADB) លេីការអភិវឌ្ឍប្រព័ន្ធធុងអាគុយស្តុកទុកថាមពលទ្រង់ទ្រាយធំ ដើម្បីផ្តល់កាលានុវត្តភាពដល់ការអភិវឌ្ឍថាមពលកកើតឡើងវិញផ្សេងៗ ក៏ដូចជាការយកចិត្តទុកដាក់លើបរិស្ថាន ការបង្កើតផែនការមេអភិវឌ្ឍន៍វិស័យអគ្គិសនី និងគោលនយោបាយជាតិស្ដីពីប្រសិទ្ធភាពថាមពល៕
