សហភាពអឺរ៉ុបកំពុងប្រឈមមុខនឹង ‘បញ្ហាប្រឈមដ៏សំខាន់’ ដោយសារតែការដាក់ទណ្ឌកម្មប្រឆាំងនឹងរុស្ស៊ី
អឺរ៉ុប៖អ្នកការទូតកំពូលរបស់ប្លុកលោក Josep Borrell បានអោយដឹងថា សហភាពអឺរ៉ុបនឹងជួបប្រទះ “បញ្ហាប្រឈមធំៗ” ដោយសារតែទណ្ឌកម្មដែលខ្លួនដាក់លើរុស្ស៊ី ជុំវិញជម្លោះនៅអ៊ុយក្រែន។
“ទាំងនេះគឺជាវិធានការរឹតត្បិត។ យើងបានកំណត់លទ្ធភាពសេដ្ឋកិច្ចរបស់រុស្ស៊ី។ ដរាបណាសេដ្ឋកិច្ចរបស់រុស្ស៊ីពឹងផ្អែកលើប្រេង និងឧស្ម័ន ពួកគេនឹងត្រូវការបច្ចេកវិទ្យារបស់យើង»។
ទោះជាយ៉ាងណាក៏ដោយ Borrell បានទទួលស្គាល់ថា “ជាការពិតណាស់ យើងកំពុងប្រឈមមុខនឹងបញ្ហាប្រឈមធំៗក្នុងរយៈពេលខ្លី” ដោយសារតែការដាក់ទណ្ឌកម្ម ហើយ “មិនមានការបដិសេធថាតម្លៃឧស្ម័នកំពុងឡើងថ្លៃទេ”។
យោងតាមអ្នកការទូត ពលរដ្ឋអ៊ឺរ៉ុប “ត្រូវតែមានឆន្ទៈក្នុងការបង់ថ្លៃសម្រាប់សេរីភាព ពីព្រោះសង្គ្រាមនៅអ៊ុយក្រែនមិនត្រឹមតែជាសង្គ្រាមរបស់ជនជាតិអ៊ុយក្រែនប៉ុណ្ណោះទេ ប៉ុន្តែជាសង្រ្គាមដើម្បីសេរីភាពរបស់យើង”។
