ឧត្តមសេនីយ៍ទោ តន់ ញាន អប់រំផ្សព្វផ្សាយសភាពការណ៍ថ្មីៗជាតិ-អន្តរជាតិ និងសភាពការណ៍លើខែ្សបន្ទាត់ព្រំដែន កម្ពុជា-ថៃ ដល់នាយទាហាន នាយទាហានរង និងពលទាហាន
ភ្នំពេញ៖ ឧត្តមសេនីយ៍ទោ តន់ ញាន មេបញ្ជាការតំបន់ប្រតិបត្តិការសឹករងឧត្តរមានជ័យ នាព្រឹកថ្ងៃទី២៩ ខែសីហា ឆ្នាំ២០២២ បានអញ្ជេីញអប់រំផ្សព្វផ្សាយអំពីសភាពការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលលើខែ្សបន្ទាត់ព្រំដែន កម្ពុជា-ថៃ ក្នុងភូមិសាស្រ្តទទួលខុសត្រូវរបស់អង្គភាព ជូនដល់នាយទាហាន នាយទាហានរង និងពលទាហាន នៅទីបញ្ជាការតំបន់ប្រតិបត្តិការសឹករងឧត្តរមានជ័យ បានទទួលជ្រាប។
ក្នុងនោះដែរ ឧត្តមសេនីយ៍ទោ មេបញ្ជាការ បានក្រើនរម្លឹកដល់យោធិនគ្រប់រូប ត្រូវគោរព និងប្រតិបត្តិយ៉ាងម៉ឹងម៉ាត់ចំពោះច្បាប់រដ្ឋធម្មនុញ្ញ កម្មវិធីនយោបាយរបស់រាជរដ្ឋាភិបាល ច្បាប់រដ្ឋ ច្បាប់ស្តីពីលក្ខន្តិកៈទូទៅចំពោះយោធិន នៃកងយោធពលខេមរភូមិន្ទ និងត្រូវគោរព អនុវត្តឱ្យបានត្រឹមត្រូវតាមបទបញ្ញត្តិ បទវិន័យ និងបទបញ្ជាផ្សេងៗរបស់កងទ័ព ។
ឧត្តមសេនីយ៍ទោ មេបញ្ជាការ ក៏បានលើកឡើង និងសង្កត់ធ្ងន់អំពីភារកិច្ចចំពោះមុខដែលថ្នាក់លើបានដាក់ជូន ត្រូវបង្កើនការយកចិត្តទុកដាក់ សហការគ្នាអនុវត្តតាមមុខនាទីរបស់ខ្លួនម្នាក់ៗក្នុងស្មារតីទទួលខុសត្រូវខ្ពស់ ដើម្បីទទួលបានជោគជ័យតាមផែនការកំណត់ ចូលរួមការងារកសាងអង្គភាព ការងារបង្កបង្កើនផល និងត្រៀមកម្លាំងន្តរាគមន៍សម្រាប់ថ្នាក់លើ២៤ម៉ោង លើ២៤ម៉ោង ក្នុងការចល័តចុះជួយប្រជាពលរដ្ឋរងគ្រោះដោយគ្រោះធម្មជាតិ ឱ្យបានទាន់ពេលវេលា។
ឧត្តមសេនីយ៍ទោ មេបញ្ជាការ មានមតិផ្ដាំផ្ញើរឱ្យយោធិនទាំងអស់ ត្រូវបន្តអនុវត្តនូវវិធានការរបស់សម្តេចតេជោ ប្រមុខរាជរដ្ឋាភិបាលគឺ ៣ការពារ និង៣កុំ ឱ្យបានជាប់លាប់ល្អជាប្រចាំ និងថែរក្សារសុខភាពឱ្យបានល្អ ក្នុងរដូវវស្សានេះ ព្រមទាំងជូនពរឱ្យជៀសឆ្ងាយពីជំងឺដង្កាត់ផ្សេងៗផងដែរ៕
