ថវិការបស់គណៈកម្មាធិការកណ្តាល សមាគមមិត្តនគរបាលជាតិកម្ពុជា ចំនួន២៤លានរៀល បានប្រគល់ជូនគ្រួសារសពមន្ត្រីនគរបាល០១នាក់ និងនគរបាលចូលនិវត្តន៍០៣នាក់
ភ្នំពេញ៖ លោកឧត្តមសេនីយ៍ត្រី វង្ស វិត ស្នងការរង ទទួលផែនការងារធនធានមនុស្ស ជាអនុប្រធានគណៈកម្មាធិការមូលដ្ឋាន សមាគមមិត្តនគរបាលជាតិនៃស្នងការដ្ឋាននគរបាលខេត្តបន្ទាយមានជ័យ តំណាងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ជាប្រធានគណៈកម្មាធិការមូលដ្ឋាន សមាគមមិត្តនគរបាលជាតិនៃស្នងការដ្ឋាននគរបាលខេត្តបន្ទាយមានជ័យ បានថ្លែងនូវការចូលរួមមរណទុក្ខដ៏ក្រៀមក្រំនិងចូលរួមសោកស្តាយយ៉ាងក្រៃលែងជាមួយក្រុមគ្រួសារសព ដែលបានបាត់បង់ស្វាមី ឪពុក ជាទីគោរពស្រឡាញ់ដ៏ជ្រាលជ្រៅបំផុត និងធ្លាប់ផ្តល់នូវព្រហ្មវិហារធម៌និងភាពកក់ក្តៅ ដល់ក្រុមគ្រួសារ ក្នុងគ្រាកន្លងមក ។
លោកឧត្តមត្រី វង្ស វិត ថ្លែងបែបនេះក្នុងឱកាសដែលលោក តំណាងឲ្យលោកឧត្តមសេនីយ៍ទោ សិទ្ធិ ឡោះ ស្នងារនគរបាលខេត្ត អញ្ជើញជាអធិបតីក្នុងពិធី ប្រគល់ថវិការបស់គណៈកម្មាធិការកណ្តាលសមាគមមិត្តនគរបាលជាតិកម្ពុជា ចំនួន២៤,០០០,០០០រៀល(២៤លានរៀល) ជូនដល់គ្រួសារសពមន្ត្រីនគរបាល០១នាក់និងសពមន្ត្រីនគរបាលចូលនិវត្តន៍ចំនួន០៣នាក់ នាព្រឹកថ្ងៃទី០៦ ខែកញ្ញា ឆ្នាំ ២០២២ នៅស្នងការដ្ឋាននរបាលខេត្តបន្ទាយមាមនជ័យ ។
តាមរបាយការណ៍របស់ការិយាល័យ បុគ្គលិក បានឲ្យដឹងថា៖ក្រុមគ្រួសារដែលត្រូវបានទទួលថវិការបស់គណៈកម្មាធិការកណ្តាលសមាគមមិត្តនគរបាលជាតិកម្ពុជា នាថ្ងៃនេះ មាន៖១/-លោកស្រី សេង ចាន់ថុល ភរិយាសពលោកវរសេនីយ៍ត្រី ឆាយ ធាយ (និវត្តជន)ចំនួនទឹកប្រាក់ ៦,០០០,០០០៛(ប្រាំមួយលានរៀលគត់)។២/-លោកស្រី សុខ សោភា ភរិយាសពលោកវរសេនីយ៍ត្រី ហោ សំណាត់ (និវត្តជន)ចំនួនទឹកប្រាក់ ៦,០០០,០០០៛(ប្រាំមួយលានរៀលគត់)។៣/-លោកស្រី វ៉ន់ ស្រីជា ភរិយាសពលោកអនុសេនីយ៍ត្រី ង៉ាត់ វស្សន្ត (និវត្តជន)ចំនួនទឹកប្រាក់ ៦,០០០,០០០៛(ប្រាំមួយលានរៀលគត់)។៤/-លោកស្រី សៅ រ៉ាវី ភរិយាសពលោកអនុសេនីយ៍ទោ ម៉ើយ បូរ៉ា មន្ត្រី អធិការដ្ឋាននគរបាលស្រុកអូរជ្រៅចំនួនទឹកប្រាក់ ៦,០០០,០០០៛(ប្រាំមួយលានរៀលគត់)។សរុបទាំងអស់ចំនួន២៤,០០០,០០០រៀល(២៤លានរៀល)។
បានជម្រាបជូនគ្រួសារសពថានាឱកាសនោះ លោកឧត្តមសេនីយ៍ត្រី វង្ស វិត បានបញ្ជាក់ថា៖ ថវិកាដែលបានប្រគល់ជូននាពេលនេះ គឺជាថវិការបស់សមាគមមិត្តនគរបាលជាតិកម្ពុជា ដែលត្រូវបានផ្តួចផ្តើមឡើង ដោយឯកឧត្តម នាយឧត្តមសេនីយ៍ សន្តិបណ្ឌិតនេត សាវឿន អគ្គស្នងការនគរបាលជាតិ ជាប្រធានគណៈកម្មាធិការណ្តាលសមាគមមិត្តនគរបាលជាតិកម្ពុជា នៃ អគ្គស្នងការដ្ឋាននរបាលជាតិ ក្នុងគោលបំណងដើម្បីជួយចែករំលែកឲ្យគ្នាទៅវិញទៅមកក្នុងពេលសមាជិក សមាជិកា ឬគ្រួសាររបស់សមា ជិក សមាជិកា ជួបមានទុក្ខធុរៈក្នុងគ្រួសារ បើជាសមាជិកឬសមាជិការបស់សមាគម មរណភាព ទទួលបានថវិកាចំនួន៦,០០០,០០០រៀល(៦លានរៀល)ភរិយាឬស្វាមី របស់សមាជិក ចំនួន២,០០០,០០០រៀល(២លានរៀល)ផងដែរ៕
