លោកជំទាវ ខៀវ សុផានី អញ្ជើញចូលរួមកិច្ចប្រជុំលើកទី២៤ នៃគណៈកម្មាធិការចម្រុះ កម្ពុជា-ជប៉ុន
ភ្នំពេញ៖ លោកជំទាវ ខៀវ សុផានី អនុរដ្ឋលេខាធិការក្រសួងយុត្តិធម៌នៅរសៀលថ្ងៃទី៧ ខែកញ្ញា ឆ្នាំ២០២២ បានចូលរួម កិច្ចប្រជុំលើកទី២៤ នៃគណៈកម្មាធិការចម្រុះ កម្ពុជា-ជប៉ុន ដែលដឹកនាំដោយ ឯកឧត្ដម សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តី អគ្គលេខាធិការ ក.អ.ក. និងឯកឧត្តម ម៉ាសាហ៊ីរ៉ុ មីខាមី (Masahiro MIKAMI) ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេស ជប៉ុនប្រចាំកម្ពុជា នៅទីស្តីការក្រុមប្រឹក្សាអភិវឌ្ឍន៍កម្ពុជា (ក.អ.ក.) ។
កិច្ចប្រជុំនេះ មានការចូលរួមពីតំណាងក្រសួងស្ថាប័នពាក់ព័ន្ធ ទីភ្នាក់ងារសហប្រតិបត្តិការអន្តរជាតិនៃ ប្រទេសជប៉ុន (JICA) អង្គការពាណិជ្ជកម្មក្រៅប្រទេសជប៉ុន (JETRO) សមាគមធុរកិច្ចជប៉ុននៅកម្ពុជា (JBAC) និងតំណាងក្រុមហ៊ុនជប៉ុនដែលមានប្រតិបត្តិការវិនិយោគនៅកម្ពុជា ដែលមានអ្នកចូលរួមសរុប ចំនួនប្រមាណ ១៣០ រូប ។
ប្រធានបទដែលអង្គប្រជុំលើកមកពិភាក្សារួមមាន៖
១-កាតព្វកិច្ចពន្ធរបស់អភិបាលអនិវាសនជន, ២-ឡូជីស្ទីក (ការពន្លឿនការដាក់ឲ្យដំណើរការ មាត់ច្រកព្រំដែនស្ទឹងបត់ នៅក្រុងប៉ោយប៉ែត និងវឌ្ឍនភាពនៃប្រព័ន្ធបញ្ជរជាតិកម្ពុជា ឌីជីថលូបនីយកម្ម និងសាមញ្ញកម្មនៃនីតិវិធីគយ) និង ៣-ថាមពល (ការកាត់បន្ថយថ្លៃ អគ្គិសនី និងការដាច់ចរន្តអគ្គិសនី និងការគាំទ្រលើសកម្មភាព ស្ដីពីអ ព្យាក្រឹតកាបូន)៕
