ជំនន់ទឹកភ្លៀងហូរកាត់ផ្លូវលំ និងប៉ះពាល់ផ្ទះប្រជាពលរដ្ឋមួយចំនួនស្ថិតនៅភូមិសាស្រ្តស្រុកអន្លង់វែង និងស្រុកបន្ទាយអំពិល ខេត្តខេត្តឧត្តរមានជ័យ

ភ្នំពេញ៖ បរិមាណទឹកភ្លៀងដែលបានធ្លាក់ជាប់ៗគ្នារយៈពេល៣ថ្ងៃ នៅថ្ងៃទី៥-៧ ខែកញ្ញា ឆ្នាំ២០២២ ក្នុងកម្រិត ៨០-១៣០ មម បានបង្កឲ្យមានជំនន់ទឹកភ្លៀងហូរកាត់ផ្លូវលំ និងប៉ះពាល់ផ្ទះប្រជាពលរដ្ឋមួយចំនួនតូចតែពុំបង្កឲ្យមានផលប៉ះពាល់ធ្ងន់ធ្ងរនោះទេ ស្ថិតនៅភូមិសាស្រ្តស្រុកអន្លង់វែង និងស្រុកបន្ទាយអំពិល ខេត្តឧត្តរមានជ័យ។

យោងតាមក្រសួងធនធានទឹកបានបញ្ជាក់ថា បើសិនគ្មានភ្លៀងបន្តធ្លាក់ទឹកនឹងស្រកចុះមកជាស្ថានភាពធម្មតាវិញនាល្ងាចថ្ងៃនេះ៕