អភិបាលខេត្តកំពង់ស្ពឺ ក្រើនរំលឹកដល់ប្រជាពលរដ្ឋត្រូវប្រុងប្រយ័ត្នចំពោះកូវីដ១៩ និងអញ្ជើញទៅទទួលវ៉ាក់សាំង
ភ្នំពេញ៖ ឯកឧត្ដម វ៉ី សំណាង អភិបាលខេត្តកំពង់ស្ពឺ បានធ្វើការក្រើនរំលឹកដល់ប្រជាពលរដ្ឋត្រូវប្រុងប្រយ័ត្នចំពោះកូវីដ១៩ និងអញ្ជើញទៅទទួលវ៉ាក់សាំងឲ្យបានគ្រប់ៗគ្នា។
តាមរយៈហ្វេសប៊ុកនាថ្ងៃទី២៣ ខែសីហា ឆ្នាំ២០២២នេះ ឯកឧត្ដម វ៉ី សំណាង បានលើកឡើងយ៉ាងដូច្នេះថា” មេរោគកូរ៉ូណា (covid-19) នៅក្បែរយើងជានិច្ច។ប្រសិនបើយើងមានការធ្វេសប្រហែសតែបន្តិចនោះ យើងនឹងឆ្លងជំងឺនេះភ្លាម។ ដូច្នេះសូមពុកម៉ែមាមីងបងប្អូនកូនក្មួយមេត្តាកុំភ្លេច ទៅទទួលយកវ៉ាក់សាំងឲ្យបានគ្រប់ៗគ្នា និងបន្តអនុវត្តវិធានការ 3កុំ 3ការពារ ឲ្យបានខ្ជាប់ខ្ជួនបំផុត”៕
